Արցախ
«Ճանապարհին մնացած շուրջ 45 հոգու ապաստան ենք տվել Լիսագորում». գյուղապետ
14 Դեկտեմբերի 2022, 20:00
«Լիսագորում խուճապ չկա, ամեն ինչ կարգին է, որևէ բանի կարիք չկա»,- Radar Armenia-ի հետ զրույցում վստահեցրեց Լիսագորի համայնքապետ Գագիկ Նասիբյանը՝ նշելով, որ ադրբեջանցիների կողմից ճանապարհը փակելը չի ընկճել գյուղացիներին։
«Գյուղում ջեռուցումը փայտով է արվում, լույս կա, ջուր կա: Ճանապարհին մնացած մարդկանց, մեր բնակիչների հետ միասին, տեղավորել ենք բնակարաններում»,- ասաց Նասիբյանը՝ հավելելով, որ գործընթաց է ընթանում, մինչև տեսնեն՝ ինչպես է հարցը կարգավորվում։
Համայնքի ղեկավարը վստահ է, որ ճանապարհը կբացվի, և մարդիկ իրենց բնականոն կյանքին կվերադառնան։ Նա նաև տեղեկացրեց, որ շուրջ 45 հոգի տեղավորել են գյուղում։
Անդրադառնալով ստեղծված իրավիճակին՝ Նասիբյանն ասաց, որ հարցի լուծումը ռուս խաղաղապահների տիրույթում է։
Հայկ Մագոյան
