Արցախ
Օգոստոսին Արցախում հաստատվել է կորոնավիրուսային հիվանդության 280 դրական դեպք
31 Օգոստոսի 2022, 22:40
Արցախում Covid-19-ով վարակվածության դեպքերը նկատելիորեն աճում են: 2022թ. օգոստոսի 20-ից մինչև 31-ն ընկած ժամանակահատվածում Արցախում կատարվել է ընդհանուր 556 թեստավորում, որի արդյունքում հաստատվել է կորոնավիրուսային հիվանդության 175 դրական դեպք: Այս մասին հայտնում է Արցախի առողջապահության նախարարությունը։
Նշվում է, որ կորոնավիրուսային հիվանդությամբ այս պահին ստացիոնար բուժում է ստանում 12 հիվանդ, որոնց վիճակը գնահատվում է բավարար։
Ընդհանուր առմամբ՝ օգոստոսի 1-ից մինչև 31-ն ընկած ժամանակահատվածում Արցախում կատարվել է 1315 թեստավորում, որի արդյունքում հաստատվել է կորոնավիրուսային հիվանդության 280 դրական դեպք:
Արցախի Հանրապետության առողջապահության նախարարությունը կրկին հորդորում է հետևել բոլոր ցուցումներին և պահպանել հակահամաճարակային կանոնները։
