«Չճանաչված ԼՂՀ իշխանությունները կշարունակեն աշխարհում ճանաչմանն ուղղված իրենց ջանքերը, այնուհետև հնարավոր կլինի դիտարկել Հայաստանին միանալու հարցը»,- «Ռիա Նովոստի»-ին տված հարցազրույցում ասել է Արցախի պետնախարար Արտակ Բեգլարյանը։
«Մենք շարունակելու ենք Արցախի միջազգային ճանաչմանը հասնելու ջանքերը, իսկ ճանաչումից հետո հնարավոր կլինի դիտարկել հանրապետության՝ Հայաստանին միանալու հարցը»,- ասել է Բեգլարյանը։
Նա ընդգծել է, որ այժմ Ադրբեջանն իրեն ուժեղ է զգում. «Բացի այդ՝ Թուրքիան տրամադրում է ռազմաքաղաքական աջակցություն, և, այդ իսկ պատճառով, ԼՂՀ իշխանությունները պետք է ուղիներ փնտրեն՝ աստիճանաբար, քայլ առ քայլ, ապագայում Ադրբեջանի հետ ուղիղ բանակցությունների միջոցով իրենց խնդիրները լուծելու համար։ Դրա համար Ադրբեջանը պետք է պատրաստ լինի խաղաղության»,- ասել է Բեգլարյանը։
