Մանկապարտեզում երեխայի նկատմամբ բռնության դեպքով հարուցվել է քրեական գործ
Հասարակություն
4 Փետրվարի 2022, 11:40
ՀՀ քննչական կոմիտեն տեղեկացնում է, որ երեխայի նկատմամբ առերևույթ ֆիզիկական ուժեղ ցավ և հոգեկան ուժեղ տառապանք պատճառելու դեպքի հանգամանքները պարզելու ուղղությամբ ՔԿ Երևանի Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ։
Ըստ ՔԿ-ի՝ «Նախնական տվյալներով 2022թ. հունվարի 31-ին՝ քաղաքացին ՀՀ ոստիկանությունում հաղորդում է ներկայացրել այն մասին, որ 2016 թվականին ծնված դուստրը 2019-2021 թվականների ընթացքում հաճախել է Երևան քաղաքում գործող մանկապարտեզ, և այնտեղ, երեխայի հոր ազգությամբ պակիստանցի լինելու հանգամանքով պայմանավորված, նրա նկատմամբ դրսևորվել է դաժան վերաբերմունք»:
Հիշեցնենք, ավելի վաղ մամուլում հրապարակումներ եղան, որ դեպքը տեղի էր ունեցել Երևանի թիվ 124 մանկապարտեզում։ Մանկապարտեզից, սակայն, հերքել էին այդ լուրերը
Հետևեք մեզ Telegram-ում
