Հուսով ենք, որ Ռուսաստանի դեմ նոր պատժամիջոցներ չեն լինի. Լեյեն
Միջազգային
3 Փետրվարի 2022, 18:28
Եվրահանձնաժողովի ղեկավար Ուրսուլա ֆոն դեր Լեյենը հույս է հայտնել, որ Ուկրաինայի շուրջ ստեղծված իրավիճակի պատճառով ԵՄ նոր պատժամիջոցները Ռուսաստանի դեմ չեն պահանջվի։ «Մենք պատրաստվում ենք․․․ եթե Ուկրաինայի դեմ որևէ ռազմական ագրեսիա լինի, մեր կողմից կլինեն տնտեսական և ֆինանսական պատժամիջոցներ։ Հուսով ենք, որ դա անհրաժեշտ չէ», - հայտարարել է Լեյենը Ֆինլանդիա կատարած այցի ժամանակ։
Կիևը և արևմտյան երկրները վերջերս մտահոգություն են հայտնել Ուկրաինայի սահմանների մոտ Ռուսաստանի կողմից «ագրեսիվ գործողությունների» ենթադրյալ աճի կապակցությամբ։ Մոսկվան բազմիցս հերքել է նման մեղադրանքները՝ ասելով, որ ոչ ոքի չի սպառնում և մտադիր չէ հարձակվել որևէ մեկի վրա, իսկ «ռուսական ագրեսիայի» պնդումներն օգտագործվում են որպես պատրվակ ավելի շատ ՆԱՏՕ-ի ռազմական տեխնիկա Ռուսաստանի սահմանների մոտ տեղադրելու համար։
Հետևեք մեզ Telegram-ում
