«Հիսուսի կատուն» գրքի թարգմանությունն արժանացել է մրցանակի
Մշակույթ
31 Հունվարի 2022, 20:00
Ժամանակակից գրող Գրիգի «Հիսուսի կատուն» գրքի գերմաներեն թարգմանությունն արժանացել է գերմանական Coburger Rückert-Preis գրական մրցանակին։
Այս գրական մրցանակը հանձնվում է 2008 թվականից։ Նախապայմանն է, որ գրական ստեղծագործությունը գրված լինի մայրենի լեզվով, որից հետո թարգմանված լինի գերմաներեն։
«Հիսուսի կատուն» գիրքը հայերենից գերմաներեն թարգմանել են Վիբկե Ցոլմանն ու Անահիտ Ավագյանը։
Հայերեն առաջին անգամ այն լույս է ընծայել «Անտարես» հրատարակչությունը։ «Անտարես» և շվեյցարական «Kolchis» հրատարակչությունների ջանքերով էլ գիրքը թարգմանվել է գերմաներեն և հրատարակվել արտերկրում։
