Ղազախստանում ՀԱՊԿ-ի զորակազմը ոչ մի կրակոց չի արձակել
Միջազգային
31 Հունվարի 2022, 11:44
ՀԱՊԿ-ի զորակազմը Ղազախստանում առաքելության իրականացման ժամանակ որևէ կրակոց չի արձակել: Այդ մասին Хабар-24 հեռուստաալիքի հետ հարցազրույցի ժամանակ ասել է Ղազախստանի նախագահ Կասիմ-Ժոմարտ Տոկաևը: Անդրադառնալով Ալմաթիում ռազմավարական նշանակություն ունեցող պետական հաստատությունների վրա հարձակումներին՝ Տոկաևն ընդգծել է, որ դրանց նպատակը եղել է քրեական գործերի նյութերը և իրավապահ մարմինների ներկայացուցիչների անձնական տվյալները հափշտակելը: Ղազախստանի նախագահը խոսել է նաև Ալմաթիի օդանավակայանի գրավումից: «Այժմ հետաքննությունը ցույց է տալիս, որ օդանավակայանը գրավվել էր Կենտրոնական Ասիայի մի քաղաքից ժամանած քաղաքացիների անցումը ապահովելու համար. դրանք պատրաստված գրոհայիններ էին, հրամանատարներ»,- ասել է Տոկաևը՝ հավելելով, որ այդպիսով նրանք մտել են քաղաք և ղեկավարել գործողությունները:
Հետևեք մեզ Telegram-ում
