ՀՀ փոխվարչապետ Մհեր Գրիգորյանը վերահաստատում է, որ սոցիալապես անապահով ընտանիքների համար գազի սակագինն այս տարի չի բարձրանա, իսկ ԵԱՏՄ շրջանակում գազի մատակարարման սակագների շուրջ քննարկումներ են ընթանում: «Այս պահին միայն կարող եմ վստահաբար ասել, որ անապահովների համար գազի սակագինը չի թանկանալու: Այդ հնարավորությունը կա, քանի որ սահմանին գազի գինը 2022-ի համար չի փոփոխվելու: Ուղղակի մենք ունենք մի իրավիճակ, որ դեռս 2013 թվականին կնքված պայմանագրով կար բանաձև, որի կիրարկումը սկսվում է 2022 թվականին: Բանաձևի ուժով սահմանին գազի գնի հաշվարկն իրականացում է կալորիականությունից ելնելով»,-ասաց փոխվարչապետը:
