2024թ. սոցիալական բյուջեի զեկույցի համաձայն, որը ներկայացրել է Գերմանիայի աշխատանքի նախարարությունը, անցած տարի կենսաթոշակները, առողջապահական ծախսերը, նպաստները և այլ ծախսեր կազմել են 1 տրիլիոն 345 միլիարդ եվրո՝ երկրի տնտեսության մոտ մեկ երրորդը։ Սոցծախսերի մասնաբաժինը Գերմանիայի ՀՆԱ-ում աճել է մինչև 31,2% ՝ նախորդ տարվա 30,2%–ի դիմաց։
Խոշորագույն ծախսեր արվել են կենսաթոշակային համակարգի (409 մլրդ եվրո) և առողջապահության վրա (432 մլրդ եվրո): Պետությունն ավելի քան 140 միլիարդ եվրո է ուղղել երեխաներ ունեցող ընտանիքներին աջակցելու համար, մոտ 58 միլիարդ եվրո՝ Bürgergeld- ին, 16 միլիարդ եվրո՝ փախստականներին օգնելու և այլ հիմնական վճարումներ կատարելու համար:
Կանցլեր Ֆրիդրիխ Մերցը նախազգուշացրել է, որ ներկայիս տեսքով սոցիալական համակարգը այլևս չի ֆինանսավորվելու․
«Բարեկեցիկ պետությունն, ինչպիսին ունենք այսօր, այլևս ֆինանսապես կենսունակ չէ՝ հաշվի առնելով մեր տնտեսական ցուցանիշները»,- ասել է նա։
