ԱՄՆ-ում գրանցված կրիպտո ընկերությունների բաժնետոմսերը կտրուկ անկում են ապրել։ Այս անկումը գրանցվել է Bitcoin-ի անկմանը զուգահեռ։
ԱՄՆ նախագահ Դոնալդ Թրամփի սահմանած մաքսատուրքերը և համաշխարհային առևտրային պատերազմի մտավախությունները ներդրողներին ստիպել են հեռու մնալ ռիսկային ակտիվներից:
Երկուշաբթի օրը Bitcoin-ն ընկել է մինչև 5.5%-ով՝ հասնելով 2025 թվականի ամենացածր մակարդակին։
Bitcoin պահող Strategy ընկերության բաժնետոմսերն, առավոտյան առևտրից առաջ, ընկել են ավելի քան 10%-ով, իսկ Coinbase կրիպտո բորսայի բաժնետոմսերը՝ 7%-ով: Robinhood առցանց բրոքերային ընկերության բաժնետոմսերն էլ 10.5%-ով նվազել են այն բանից հետո, երբ Barclays-ը նվազեցրել է իր գնային կանխատեսումը՝ նշելով, որ կրիպտո շուկայի անկայունությունը կարող է այս եռամսյակում նվազեցնել ընկերության գործարքներից ստացվող եկամուտը:
