Քերոբյանը Աբու Դաբիում ներկայացրել է «չոր նավահանգիստ» նախագիծը
Ֆինանսներ
16 Հոկտեմբերի, 19:36
ՀՀ Էկոնոմիկայի նախարար Վահան Քերոբյանն Աբու Դաբիում հանդիպում է ունեցել նաև ԱՄԷ արտաքին առևտրի պետական նախարար Թանի բին Ահմեդ Ալ Զայուդիի հետ։
Նախարարության հաղորդմամբ՝ քննարկվել են ներդրումային ծրագրերի իրականացմանը վերաբերող հարցեր։ Վահան Քերոբյանը ներկայացրել է Հայաստանի տնտեսության ոլորտում գրանցվող առաջընթացը։ Կողմերն անդրադարձել են նաև այն ծրագրերին, որտեղ էմիրաթական կողմը կարող է հանդես գալ որպես համաներդրող։
Ներկայացնելով Հայաստանում «չոր նավահանգիստ» ստեղծելու նախագիծը՝ նախարարն առաջարկել է քննարկել այս ուղղությամբ ևս համագործակցելու հնարավորությունները։
Զրուցակիցները պայմանավորվել են տեղեկատվություն փոխանակել երկուստեք հետաքրքրող հարցերի վերաբերյալ։
Հետևեք մեզ Telegram-ում
