Երեքշաբթի, 29 Նոյեմբերի 2022

USD394.31

EUR403.08

RUB6.12

Рус Eng

Հայաստանում պաշտոնապես բացվեց 18 մլրդ ԱՄՆ դոլար կապիտալիզացիա ունեցող Evolution ընկերությունը

Ֆինանսներ

19 Հոկտեմբերի, 17:49

ՀՀ Էկոնոմիկայի նախարար Վահան Քերոբյանը տեղեկացնում է, որ այսօր Հայաստանում պաշտոնապես բացվել է Evolution շվեդական ընկերությունը, որ ունի մոտ 18 մլրդ ԱՄՆ դոլար կապիտալիզացիա։ 

«Այսօր Հայաստանում պաշտոնապես բացվեց Evolution-ը՝ Ստոկհոլմի բորսայում ցուցակված և մոտ 200 մլրդ շվեդական կրոն (մոտ 18 մլրդ ԱՄՆ դոլար) կապիտալիզացիա ունեցող ընկերությունը, որի մասին դեռևս 1,5 տարի առաջ էի պատմել։ Ընկերությունն արդեն 200-ից ավել աշխատակից ունի ու պլանավորում է հաջորդ մեկ տարվա մեջ հասցնել 1000-ի։
Նկարներում՝ ընկերության գլխավոր գործադիր տնօրեն Մարտին Կարլսունդը, Հայաստանում Շվեդիայի դեսպան Պատրիկ Սվենսոնը, ընկերության հայաստանյան բիզնեսի ղեկավարն ու ես։
Էկոնոմիկայի նախարարության և «Էնթերփրայզ Արմենիա»-ի հատուկ ուշադրության կենտրոնում է խոշոր միջազգային ընկերություններին Հայաստան բերելը, քանի որ դա ոչ միայն օտարերկրյա ուղիղ խոշոր ներդրում է, այլև նոր տեխնոլոգիաներ ու աշխատանքային մշակույթ, նոր ներդրումներ գիտահետազոտական աշխատանքներում, մարդկային կապիտալում և բազմաթիվ այլ հարակից օգուտներ, որոնք այլ ընկերությունների պարագայում այդքան էլ ակնհայտ չեն».- գրել է նախարարը իր «Ֆեյսբուքի» էջում։ 

Արման Գալոյան

Ականատես կլինե՞նք նոր տեսարանների. ընդդիմությունը գլխահակ վերադառնում է խորհրդարան

Գոռ Մադոյան

Պայթյունավտանգ տարածաշրջան. Ալիևը նոր հոխորտանքներ է տեղում և փախչում պայմանավորվածություններից