Ֆինանսներ
Եվրամիության պատժամիջոցների վեցերորդ փաթեթով SWIFT համակարգից ռուսական ևս երկու բանկ կանջատվի
Ռուսաստանի դեմ Եվրամիության (ԵՄ) պատժամիջոցների վեցերորդ փաթեթը նախատեսում է «Ռոսսելխոզբանկ»-ի և «Մոսկվայի վարկային բանկ»-ի անջատումը տեղեկատվության և վճարումների փոխանցման SWIFT միջազգային միջբանկային համակարգից։
Այս մասին հայտնել է Bloomberg-ը՝ վկայակոչելով իր աղբյուրները։ Գործակալության տվյալներով՝ միջոցներն ուժի մեջ կմտնեն ԵՄ պաշտոնական ամսագրում հրապարակվելուց հետո։
Նախօրեին ԵՄ-ում Ֆրանսիայի ներկայացուցչությունը Twitter-ում տեղեկացրել էր, որ հունիսի 2-ին Միության երկրների դեսպանները Լյուքսեմբուրգում կայացած հանդիպմանը հաստատել են Ռուսաստանի դեմ պատժամիջոցների վեցերորդ փաթեթը, որը ներառում է սահմանափակումներ նավթային ընկերությունների, բանկային հատվածի, ինչպես նաև լրատվամիջոցների աշխատանքի նկատմամբ: Ինչպես ավելի վաղ հաղորդվել էր, SWIFT-ից անջատումը կտարածվի նաև «Սբերբանկ»-ի վրա:
Հիշեցնենք, որ մայիսի 30-ին պատժամիջոցների վեցերորդ փաթեթի շրջանակում Եվրամիությունը համաձայնության էր եկել ռուսաստանյան նավթի ներմուծման մասնակի արգելքի շուրջ։
