«Պֆայզեր»-ի 100հզ դեղաչափ արդեն Հայաստանում է
Հասարակություն
14 Փետրվարի 2022, 11:21
«ՊՖայզեր» պատվաստանյութը արդեն Հայաստանում է: Առողջապահության նախարարությունը ժամանակ առաջ հայտնել էր, որ սպասվում է ամերիկյան «ՊՖայզեր» կորոնապատվաստանյութի նոր խմբաքանակի ներկրում։ Տեղեկությունը «Radar Armenia»-ի հետ զրույցում հաստատեցին Առողջապահության նախարարությունից՝ նշելով՝ պատվաստանյութն արդեն օդանավակայանում է։ «Պատվաստանյութի քանակի վերաբերյալ պաշտոնական հաղորդագրություն կտարածվի և պատշաճ կիրազեկվի հանրությանը»,-հայտնել են Առողջապահության նախարարությունից։
Առողջապահության նախարարության և ամերիկյան «Պֆայզեր» դեղագործական ընկերության միջև կնքված պայմանագրով COVID-19-ի դեմ mRNA հիմքով «Պֆայզեր» պատվաստանյութի 100 հազար 620 դեղաչափ խմբաքանակը ներկրվել է Հայաստան: Բաշխումից հետո «Պֆայզեր» պատվաստանյութը, ինչպես երկրում առկա մյուս պատվաստանյութերը, հասանելի կլինեն առողջության առաջնային պահպանման օղակներում և պատվաստումային շարժական կետերում, հաղորդել են առողջապահության նախարարությունից։
Հետևեք մեզ Telegram-ում
