Եվրո-2024
ՈւԵՖԱ-ն երկրպագուների միջև ծեծկռտուքի համար տուգանել է Վրաստանին և Թուրքիային
ՈւԵՖԱ-ն Վրաստանի և Թուրքիայի ֆուտբոլի ֆեդերացիաներին տուգանել է Դորտմունդի մարզադաշտում երկրպագուների ծեծկռտուքի համար:
Վրաստանի ֆեդերացիան տուգանվել է 30 հազար եվրոյով, Թուրքիայինը՝ 25 հազար:
Հիշեցնենք, որ Վրաստան-Թուրքիա հանդիպումը տեղի է ունեցել հունիսի 18-ին ու ավարտվել է Թուրքիայի հավաքականի հաղթանակով՝ 3:1 հաշվով: Երկրպագուների միջև կոնֆլիկտը տեղի է ունեցել տրիբունայում՝ հանդիպման մեկնարկից քիչ առաջ։
Վրաստանի ֆուտբոլի ֆեդերացիայի նկատմամբ կիրառված տուգանքների ընդհանուր գումարը հասել է 1,3 միլիոն եվրոյի։ Խմբային փուլում ներկայացված 24 ֆեդերացիաներից տուգանքներ չեն ստացել միայն Սլովակիան և Իսպանիան:
ՈւԵՖԱ-ն 20 հազար եվրոյով տուգանել է Գերմանիային՝ Պորտուգալիայի, Չեխիայի և Թուրքիայի դեմ խաղերում խաղադաշտը պաշտպանելու անկարողության համար, երբ հանդիպումների ընթացքում և դրանից հետո երկրպագուները գրոհել են խաղադաշտը՝ Ռոնալդուի հետ լուսանկարվելու համար:
