Ժամանց
Աղազերծված ծովի ջուր՝ քաղցրահամ լճի համար. ինչպես է Իսրայելը լցնում Կիներեթ լիճը
«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացնում է, թե ինչպես է Իսրայելը լցնում Կիներեթ լիճը.
«Իսրայելը ստեղծել է աշխարհում եզակի նախագիծ՝ լցնելով իր գլխավոր քաղցրահամ լիճը ծովի ջրից ստացված ամբողջովին աղազերծված ջրով։ Միջերկրական ծովի ջուրը աղազերծվում է առաջատար տեխնոլոգիաներով, ապա հարյուրավոր կիլոմետր երկարությամբ խողովակաշարով տեղափոխվում է հյուսիս և մուտք է գործում Կիներեթ՝ լճի բնական վտակներից մեկի հունով։
Այս եղանակը թույլ է տալիս վերականգնել լճի կորցրած ջրային պաշարները և պահպանել նրա էկոհամակարգը, հատկապես այն տարիներին, երբ տեղումները քիչ են ու լիճը մոտենում է վտանգավոր մակարդակների։ Reverse Water Carrier նախագիծը, որի միջոցով աղազերծված ծովի ջուրը սկսեցին տեղափոխել դեպի Lake Kinneret (Կիներեթ), պաշտոնապես սկսվել է 2018 թվականին։
Նախագծի շինարարական աշխատանքները սկսվել են 2018 թվականին։ Ներդրումներն ու կառուցման փուլերը ավարտին են հասցվել 2022 թվականին։ Հսկայական ծավալով ջրի մղումը դեպի լիճ սկսվել է 2025 թվականին, երբ լճի մակարդակը «կարմիր գիծ»-ին է մոտեցել։
Նախագիծը դարձրել է Իսրայելին այն երկրներից մեկը, որը ոչ միայն աղազերծում է ծովի ջուրը, այլև վերականգնում է դրանով իր հիմնական քաղցրահամ ջրամբարը»։
