Paramount Skydance-ը դատական հայց է ներկայացրել Warner Bros. Discovery-ի դեմ՝ Netflix-ի հետ միաձուլման վերաբերյալ, պնդելով, որ խորհուրդը չի կարողացել ապահովել թափանցիկություն աճուրդի ողջ գործընթացի ընթացքում, հաղորդում է Los Angeles Times-ը։
Գլխավոր տնօրեն Դեյվիդ Էլիսոնը հայտարարել է, որ Paramount-ի մեկ բաժնետոմսի համար 30 դոլար առաջարկը ֆինանսապես ավելի շահավետ է, քան Netflix-ի մրցակցային 27.75 դոլար առաջարկը։
Paramount-ը մտադիր է ձեռք բերել Warner Bros. Discovery-ի ամբողջ բաժնետոմսը, մինչդեռ Netflix-ը հետաքրքրված է միայն Warner Bros.-ի կինո և հեռուստատեսային ստուդիայով՝ HBO-ով, և հոսքային հեռարձակմամբ HBO Max-ով՝ առանց հաշվի առնելու Warner-ի մալուխային ալիքները։
Դելավերի դատարան ներկայացված Paramount-ի դատական հայցում նշվում է, որ Warner-ի տնօրենների խորհուրդը խախտել է իր բացահայտման պարտականությունները՝ «չտրամադրելով ներդրողներին ամբողջական, ճշգրիտ և ճշմարիտ տեղեկատվություն» և մեղադրում է Warner-ի տնօրենների խորհրդի անդամներին բաժնետերերին մոլորեցնելու և Warner-ի հիմնական մալուխային ալիքների, այդ թվում՝ CNN-ի, HGTV-ի, Food Network-ի և TNT-ի գնահատման ֆինանսական վերլուծությունը թաքցնելու մեջ։
Paramount-ը նաև պնդում է, որ Warner-ի տնօրենների խորհրդի անդամները շտապողականորեն են գործել Netflix-ի հետ 82.7 միլիարդ դոլարի գործարքը հաստատելու հարցում։
Երկուշաբթի օրը բաժնետերերին ուղղված նամակում Դեյվիդ Էլիսոնը գրել է, որ Warner-ը «ավելի ու ավելի շատ պատճառներ է բերում Paramount-ի հետ գործարքը մերժելու համար», որը սեպտեմբերի 14-ից ի վեր Warner-ին ներկայացրել է ութ առաջարկ։
Netflix-ը նախկինում հայտարարել էր Warner Bros.-ը ձեռք բերելու իր մտադրության մասին, և գործարքը, ինչպես սպասվում է, կավարտվի 12-18 ամսվա ընթացքում։
