Անգլիայի հավաքականի նախկին ֆուտբոլիստ Դևիդ Բեքհեմի և երգչուհի Վիկտորիա Բեքհեմի ավագ որդին՝ Բրուքլինը, խիստ հաղորդակցման կանոններ է սահմանել իր ծնողների հետ՝ պահանջելով, որ նրանք իր հետ շփվեն միայն փաստաբանների միջոցով: Այս մասին հաղորդում է The Sun-ը՝ հղում անելով ընտանիքին ուղարկված ծանուցմանը։
Աղբյուրի համաձայն՝ Բրուքլինն արգելել է ծնողներին ուղղակիորեն կապվել իր հետ կամ հիշատակել իրեն սոցիալական ցանցերում՝ պնդելով, որ բոլոր հաղորդակցությունները պետք է գաղտնի պահվեն: Վիկտորիա Բեքհեմը սրել է իրավիճակը՝ որդու հրապարակումը՝ «հավի բաղադրատոմսը», առցանց «հավանելով», ինչից հետո Բրուքլինն արգելափակել է իր ծնողներին և եղբայրներին: Բրուքլինի ծնողները, ըստ լուրերի, ապշած են իրադարձությունների այս շրջադարձից։
Հայտնի է, որ Բրուքլին Բեքհեմը անտեսել է ծնողների ծննդյան օրերը, դադարեցրել է իր քրոջ և եղբայրների մասին խոսել սոցիալական ցանցերում և կազմակերպել է իր հարսանիքը՝ առանց ընտանիքի անդամների ներկայության: Լրատվամիջոցներն ընտանեկան վեճի համար մեղադրում են նրա կնոջը՝ Նիկոլա Պելցին, որը միլիարդավոր դոլարների կայսրության ժառանգորդն է։
Դևիդ Բեքհեմը հեռացել է պրոֆեսիոնալ ֆուտբոլից 2013 թվականին: Անգլիացու վերջին ակումբը Փարիզ Սեն-Ժերմենն էր: Նա նաև խաղացել է «Մանչեսթեր Յունայթեդում», «Ռեալ Մադրիդում», «Լոս Անջելես Գելաքսիում» և «Միլանում»: Նա ազգային հավաքականի կազմում անցկացրել է 115 խաղ՝ խփելով 17 գոլ։
1999 թվականից ի վեր Բեքհեմն ամուսնացած է Spice Girls-ի նախկին անդամ Վիկտորիա Բեքհեմի (ծննդյան ազգանունը՝ Ադամս) հետ։ Զույգն ունի չորս երեխա՝ որդիներ՝ Բրուքլինը, Ռոմեոն և Քրուզը, և դուստր՝ Հարփերը։
