Ժամանց
Տասնյակ մասնակիցներ կիսամերկ Սանտայի կերպարով մասնակցել են բարեգործական վազքի (ՏԵՍԱՆՅՈՒԹ)
Բուդապեշտում տասնյակ մասնակիցներ՝ կիսամերկ և Սանտա Կլաուսի կերպարով, հաղթահարել են ցուրտ եղանակը բարեգործական վազքի ընթացքում։ Միջոցառումը՝ Բուդապեշտի Santa Speedo Run-ը, այս տարի անցկացվել է արդեն 21-րդ անգամ։
Դեկտեմբերի 15-ին մասնակիցները քաղաքի կենտրոնով վազել են կարմիր ներքնազգեստներով և Սանտայի գլխարկներով՝ մոտ զրոյական ջերմաստիճանի պայմաններում։ Սոցիալական ցանցերում տարածված տեսանյութերում երևում է, թե ինչպես են նրանք վազում, ուրախանում և «հո-հո-հո» վանկարկում՝ զվարճացնելով տեղի բնակիչներին և զբոսաշրջիկներին։ Վազքի ընթացքում նրանք մի քանի կանգառ են կատարել՝ վարժություններ, ցատկեր և պարեր կատարելու համար։
Կազմակերպիչների տեղեկացմամբ՝ միջոցառման մասնակցության վճարները փոխանցվում են բարեգործական նպատակներով։ Այս տարի հավաքված գումարը կտրամադրվի հիմնադրամի, որը աջակցում է Պրադեր-Վիլի համախտանիշ ունեցող երեխաների ընտանիքներին։ Դա հազվագյուտ գենետիկ հիվանդություն է, որի հիմնական ախտանիշներից մեկը չափազանց մեծ ախորժակն է։
Մասնակիցները նշել են, որ շարժումը, երգը և ընդհանուր ոգևորությունը օգնել են հաղթահարել ցուրտը, և իրենք չեն զգացել սառնամանիքը։ Միջոցառման գաղափարը ծագել է այն բանից հետո, երբ դրա հիմնադիրը ԱՄՆ-ի Բոստոն քաղաքում տեսել է նմանատիպ վազք և որոշել է ավանդույթը տեղափոխել Բուդապեշտ։
Runners braved the freezing cold in Budapest’s annual Half-Naked Santa Run for charity pic.twitter.com/5aG9NJupWZ
— Reuters (@Reuters) December 16, 2025
