Լեզուներ սովորեցնող Babbel ընկերությունն ու The Captioning Group-ը ներկայացրել են 2025-ին ԱՄՆ-ում սխալ արտասանվող ամենատարածված բառերը։ Ցանկում առանձնացել են Նյու Յորքի ընտրված քաղաքապետ Զոհրան Մամդանիի անունը և Լուվրի թանգարանը։
Մամդանիի անվան սխալ արտասանությունը լայն տարածում ունի։ 34-ամյա գործիչը, որ հունվարին կդառնա քաղաքի առաջին մուսուլման, առաջին աֆրիկացի և առաջին հարավասիական ծագմամբ քաղաքապետը, հաճախ է բախվել իր անվան աղավաղման հետ։ Babbel-ի համաձայն՝ ճիշտ ձևը Զոհրան Մամդանի է, իսկ ամենատարածված սխալը ազգանվան մեջ «մ»-ի և «ն»-ի փոխատեղումն է։ Մամդանին նշել է, որ չի բարկանում անկեղծ փորձերի վրա, բայց երբեմն մարդիկ միտումնավոր են սխալ արտասանում։
Լուվրի անունը ևս հաճախ է շփոթվում՝ հատկապես հոկտեմբերին թանգարանից թագավորական գոհարների գողությունից հետո։ Ըստ Babbel-ի՝ շատ թույլ «ռ» հնչյունը դժվար է անգլախոսների համար արտասանելը։
Լեզվաբանների խոսքով՝ խնդիրների մեծ մասը առաջանում է այն պատճառով, որ բառերը գալիս են տարբեր լեզուներից, և անգլախոսները դժվարանում են դրանց հնչյուններին հարմարվել։
