Նիկոլայ II-ի հավաքածուից «Ձմեռային» Ֆաբերժեի ձուն Christie's աճուրդում կարող է վաճառվել ավելի քան 26 մլն դոլարով. հայտնել է CBS հեռուստաալիքը։
Աճուրդը տեղի կունենա դեկտեմբերի 2-ին Լոնդոնում։
Ռուսական կայսերական ընտանիքի համար «Ձմեռային» ձուն ստեղծվել է 1913 թվականի Զատկի տոնի առիթով։ Դիզայնը մշակել է երիտասարդ ոսկերիչ Ալմա Փիլը՝ Ֆաբերժեի գլխավոր վարպետներից Կարլ Ֆաբերժեի դուստրը։ Ձվի պատյանը պատրաստված է լեռնային բյուրեղից և զարդարված է սառցակալած բյուրեղները ընդօրինակող փորագրությամբ։ Ավելի քան 4000 ադամանդներով զարդարված այն կանգնած է հալվող սառույցի տեսք ունեցող բյուրեղե հենարանի վրա։ Ձվի ներսում տեղադրված է կվարցից և ժադեիտից պատրաստված ձյունծաղկի ծաղկեփունջով զամբյուղ։ Կայսր Նիկոլայ II-ը այս զարդը նվիրել էր մոր՝ Մարիա Ֆյոդորովնա կայսրուհուն։
