ԱՄՆ-ի Տեխաս նահանգում անցկացված աճուրդում «Սուպերմենի» առաջին պատճենը վաճառվել է 9,12 միլիոն դոլարով, ինչը դարձել է մինչև այժմ վաճառված ամենաթանկ կոմիքսը։
Կոմիքսը հայտնաբերել են երեք եղբայր, երբ անցյալ տարի մաքրել են իրենց մահացած մոր տունը Սան Ֆրանցիսկոյում։ Հավաքածուն պահվել էր տան ձեղնահարկում՝ ծղոտե տուփի մեջ, թերթերի և սավանի տակ։
Heritage Auctions աճուրդային տան կոմիքսների բաժնի փոխնախագահի խոսքով՝ եղբայրները կապ են հաստատել աճուրդի կազմակերպիչների հետ, և ինքն անձամբ է գնացել Սան Ֆրանցիսկո՝ կոմիքսը գնահատելու և փորձագետների առջև ներկայացնելու համար։
«Superman No. 1»-ը թողարկվել է 1939 թվականին՝ Detective Comics ընկերության կողմից, և այսօր հայտնի է աշխարհի ընդամենը մի քանի պահպանված օրինակով։ Կոմիքսը գերազանց վիճակում է՝ ամուր տախտակ, վառ գույներ և կոշտ անկյուններ, ինչը ևս բարձրացրել է դրա արժեքը։
