NASA-ի TESS տիեզերական աստղադիտակը բացահայտել է Երկրի երեք չափի մոլորակներ, որոնք պտտվում են ոչ թե մեկ, այլ՝ երկու արևների շուրջ։ Սա հիշեցնում է «Աստղային պատերազմներ» ֆիլմի այն հայտնի տեսարանը, երբ Լյուկ Սքայուոքերը դիտում էր Տատուինի երկակի մայրամուտը։
Գիտնականները նշում են, որ TOI-2267 անվամբ այս երկակի աստղային համակարգը գտնվում է Երկրից մոտ 190 լուսատարի հեռավորության վրա և կոտրում է նախկինում գոյություն ունեցած մի շարք գիտական համոզմունքներ։ Մինչ այժմ համարվում էր, որ նման երկակի համակարգերում մոլորակների առաջացումը գրեթե անհնար է ուժեղ գրավիտացիոն անկայունության պատճառով։ Սակայն TOI-2267-ի դեպքում հայտնաբերվել են երեք կայուն մոլորակ, որոնցից երկուսը պտտվում են առաջին աստղի, իսկ երրորդը՝ երկրորդի շուրջ։
Հետազոտողները պնդում են, որ այս համակարգը կարող է օգնել բացահայտել, թե ինչպես են քարքարոտ մոլորակներ ձևավորվել ու գոյատևել նման բարդ պայմաններում։
