Չինաստանի «Տյանվեն-2» տիեզերանավը ուղարկվել է առեղծվածային աստերոիդից նմուշներ բերելու համար։ Ճանապարհին այն լուսանկարել է ինքն իրեն և Երկիրը՝ մոտ 43 միլիոն կիլոմետր հեռավորությունից։ Լուսանկարում հստակ երևում է նաև Չինաստանի դրոշը։
Ըստ պաշտոնական տեղեկությունների՝ տիեզերանավը գործում է նորմալ ռեժիմով. արդեն իրականացվել են նմուշառման սարքերի տեղադրումներ և էլեկտրոնային համակարգերի ստուգումներ։
«Տյանվեն-2»-ի նպատակը Կամո'օալևա կոչվող փոքր աստերոիդն է, որը դասվում է Երկրի յոթ «կիսալուսիների» շարքին։ Գիտնականների կարծիքով՝ այն կարող է լինել Լուսնի կտոր, որը տիեզերք է նետվել հզոր բախումից հետո։
