ԱՄՆ դաշնային դատախազները Նյու Յորքի դատարանին կոչ են արել պրոդյուսեր Փի Դիդիին (Շոն Քոմս) դատապարտել առնվազն 11 տարի 3 ամսվա ազատազրկման. գրում է AP-ին։ Նա հուլիսին մեղավոր է ճանաչվել սեռական ծառայությունների նպատակով մարդկանց նահանգային սահմաններից դուրս տեղափոխելու դեպքերով։
Մեղադրող կողմը նշում է, որ Քոմսը տարիներ շարունակ կազմակերպել է թմրամիջոցներով ուղեկցվող սեռական հավաքներ, որտեղ իր ընկերուհիներին հարկադրաբար ներգրավել է սեռ. հարաբերությունների մեջ։ Դատախազները նրան բնութագրել են որպես «զղջում չցուցաբերող և իր գործողությունների պատասխանատվությունը զոհերի վրա բարդել փորձող» անձ։
Պաշտպանական կողմը պահանջում է առավելագույնը 14 ամսվա ազատազրկում՝ նշելով, որ Քոմսը արդեն 13 ամիս կալանքի տակ է։
Դատավճիռը կհրապարակվի ուրբաթ։
