Ռուսաստանը պատրաստվում է վերակենդանացնել սովետական շրջանի երգի մրցույթը՝ Ինտերվիզիոնը, որը մեկնարկում է Մոսկվայում այս շաբաթ։ Մրցույթին կմասնակցի 23 երկիր, հիմնականում՝ Ռուսաստանի դաշնակիցները։ Ի տարբերություն գունագեղ հանդերձանքների և եվրոպական վառ բեմադրությունների, Ինտերվիզիոնը խոստանում է «ավանդական արժեքներ», հայրենասիրական բալլադներ և մշակութային շեշտադրումներ։
Ռուսաստանը մրցույթում կներկայացնի երգիչ Շամանը, ով հայտնի է իր «հայրենասիրական» երգերով։ Ռուսաստանը Եվրատեսիլին միացավ 1994-ին, իսկ 2008-ին Դիմա Բիլանը ապահովեց երկրի միակ հաղթանակը։ Բայց Պուտինի օրոք, երբ իշխանությունները որդեգրեցին «պահպանողական» կեցվածք, մրցույթի ազատ և բազմազան բնույթը սկսեց քննադատվել որպես «ավանդական արժեքներին սպառնացող» երևույթ։ Այսօր ռուսական կողմը վստահ է, որ Ինտերվիզիոնը կարող է «գերազանցել» Եվրատեսիլին։
