Ժամանց
Գիտնականները հայտնաբերել են Արեգակի ծագման դարաշրջանի թաքնված գերզորավոր սև խոռոչներ
Աստղագետները առաջին անգամ հայտնաբերել են փոշու հաստ ամպերով ծածկված գերզորավոր սև խոռոչներ տիեզերքի վաղ շրջանում՝ այսպես կոչված Արեգակի ծագման դարաշրջանում (Cosmic Dawn)։ Հետազոտությունը կատարվել է Ճապոնիայի Subaru աստղադիտակի և Ջեյմս Ուեբ տիեզերական աստղադիտակի (JWST) համատեղ աշխատանքի շնորհիվ։ Գիտնականները հայտնաբերել են յոթ քվազար (ռադիոալիքների ճառագայթման աղբյուր), որոնք գոյություն են ունեցել, երբ տիեզերքի տարիքը դեռ մեկ միլիարդ տարուց պակաս էր։
Նոր հայտնագործված քվազարների ճառագայթումն այնքան հզոր է, որ համարժեք է մի քանի տրիլիոն արեգակների պայծառությանը, իսկ դրանց կենտրոնում գտնվող սև խոռոչների զանգվածը հասնում է Արեգակի զանգվածի միլիարդապատիկին։ Մինչ այժմ նման օբյեկտներ չէին հայտնաբերվում, քանի որ փոշին կլանում է նրանց ուլտրամանուշակագույն ճառագայթման շուրջ 99.9%-ը, ինչը գրեթե անհնար էր դարձնում նրանց դիտարկումը։ Սակայն JWST-ի ինֆրակարմիր դիտարկումները թույլ տվեցին «տեսնել» այդ թաքնված հսկաներին։
