Իտալացի նորաձևության դիզայներ Ջորջո Արմանիի հուղարկավորությունը կայացել է երկուշաբթի օրը՝ Միլանից մոտ 100 կիլոմետր հարավ գտնվող Ռիվալտա միջնադարյան գյուղում։ Ինչպես հաղորդում է AFP-ը, գյուղը փակվել էր այդ առիթով։
Տեղական «Libertà» օրաթերթի տեղեկացմամբ՝ արարողությունն անցել է խիստ փակ ձևաչափով՝ դիզայների ցանկությամբ։ Ներկա են եղել շուրջ վաթսուն մարդ։
Հուղարկավորությունը տեղի է ունեցել Ռիվալտայի Սան Մարտինո փոքրիկ եկեղեցում, որը գտնվում է Տրեբիա հովտում։ Դիզայները իր մանկության մի հատված անցկացրել է հենց այս գյուղում։
Արմանին պարբերաբար այցելում էր Ռիվալտա, որը տեղակայված է Պյաչենցայից՝ նրա ծննդավայրից (1934 թ.), ընդամենը մի քանի կիլոմետր հեռավորության վրա։
Giorgio Armani ընկերությունը հայտնել է AFP-ին, որ երկուշաբթի օրը ժամը 15:00-ից մինչև օրվա ավարտը խմբի խանութները փակվել են՝ ի նշան սգի։
