NASA-ի Perseverance մարսագնացը հերթական հետաքրքիր բացահայտումն է արել՝ ֆիքսելով հսկայական քամիների ուժով ձևավորված ավազե շերտեր, որոնք գիտնականներն անվանում են «մեգաալիքներ»։ Այս եզակի տեսարանը rover-ը նկարահանել է օգոստոսի 13-ին՝ ուսումնասիրելով Kerrlaguna կոչվող հատվածը, որտեղ Մարսի քամիները դեռ շարունակում են ձևավորել լանդշաֆտներ։
Մեգաալիքները, որոնք մոտ 1 մետր բարձրություն ունեն, միջին դիրք են զբաղեցնում մոլորակի ավազե ալիքների շարքում։ Գիտնականների կարծիքով՝ դրանք ձևավորվել են այն ժամանակ, երբ Մարսն ուներ ավելի հաստ մթնոլորտ և ավելի հզոր քամիներ։ Այս հսկայական ալիքների որոշ հատվածներ ունեն ճաքած կատարներ, որոնք վկայում են միլիոնավոր տարիների ընթացքում տեղի ունեցած կլիմայական փոփոխությունների մասին։
Թեպետ Kerrlaguna-ի ավազե շերտերը համարվում են անշարժ, արբանյակային դիտարկումները ցույց են տալիս, որ մոլորակի որոշ հատվածներում դրանք շարժվում են, թեև շատ դանդաղ՝ 9 երկրային տարում ընդամենը 1 մետր։ Perseverance-ը շարունակելու է շարժվել հարավ՝ դեպի «Lac de Charmes» կոչվող ավելի մեծ ավազային դաշտ, որտեղ սպասվում է ավելի խորքային ուսումնասիրություն։
