«Լաբուբու» խաղալիքների ստեղծող և Pop Mart ընկերության տնօրեն 38-ամյա Վան Նինը, ըստ Bloomberg-ի, ընդգրկվել է աշխարհի 100 ամենահարուստ մարդկանց շարքում։ Նրա ընդհանուր կարողությունը կազմում է 26,5 միլիարդ դոլար։ Կարողությամբ նա արդեն շրջանցել է «Լուկոյլ»-ի բաժնետեր Վագիտ Ալեկպերովին և PayPal-ի համահիմնադիր Պիտեր Թիլին։ Bloomberg-ի վարկանիշում Նինը զբաղեցնում է 85-րդ տեղը։ Միայն վերջին մեկ տարում նրա կարողությունը աճել է 20 միլիարդ դոլարով։
Վերջերս Pop Mart ընկերությունը հայտարարեց «լաբուբու» խաղալիքների մինի տարբերակների թողարկման մասին։ Այս նորությունը զգալի դրական ազդեցություն ունեցավ ընկերության բաժնետոմսերի արժեքի վրա։ Ըստ վերջին տվյալների՝ 2025 թվականի առաջին կեսին միայն Wildberries հարթակում ռուս օգտատերերը խաղալիքների վրա ծախսել են ավելի քան 2 միլիարդ ռուբլի։
