Պոպ-աստղ Թեյլոր Սվիֆթը ներկայացրել է իր 12-րդ ալբոմը՝ The Life of a Showgirl, որը կհետևի հաջողության հասած նախորդ The Tortured Poets Department-ին և ռեկորդային Eras Tour-ին։
Թողարկման հստակ ամսաթիվը դեռ գաղտնի է, սակայն երգչուհու կայքում նշված է, որ վինիլային տարբերակները կթողարկվեն մինչև հոկտեմբերի 13-ը։
Ալբոմի մասին հայտարարությունը եկավ խորհրդավոր առցանց արշավից հետո․ Taylor Nation թիմը հրապարակել է 12 լուսանկար, որտեղ Սվիֆթը միայն նարնջագույն հագուստով է։ Նույն օրը իր սիրելիի՝ ամերիկյան ֆուտբոլիստ Թրևիս Քելսիի New Heights պոդկաստում ցուցադրվել է տեսահոլովակ, որտեղ նա հանել է նոր ալբոմը պայուսակից։
Սա կլինի Սվիֆթի առաջին մասնակցությունը Քելսիի հաղորդմանը, թեև զույգը միասին է 2023 թվականից։
Նրա վերջին համաշխարհային շրջագայությունը՝ Eras Tour-ը, տևել է երկու տարի, ընդգրկել հինգ մայրցամաք և հավաքեց ավելի քան 2,2 միլիարդ դոլար՝ դառնալով ամենաեկամտաբեր շրջագայությունը երաժշտության պատմության մեջ։
