Ամերիկացի ռեփեր Քանյե Ուեսթին արգելել են մուտք գործել Ավստրալիա՝ «Heil Hitler» անունով սկանդալային երգի թողարկումից հետո: Այդ երգը մեծ քննադատության է արժանացել և արգելվել է հիմնական հարթակներում. գրում է BBC-ն։
Ավստրալիայի ՆԳ նախարար Թոնի Բերքը հայտարարել է, որ Ուեսթի վավեր վիզան չեղարկվել է՝ հաշվի առնելով երգում հնչող նացիստական և հակասեմական արտահայտությունները։ Ըստ նախարարի՝ Ուեսթն արդեն երկար տարիներ այցելում էր Ավստրալիա, սակայն երգի թողարկումից հետո հարցը վերանայվել է, և նրա մուտքը երկիր այլևս անթույլատրելի է համարվել։
