Արքայազն Հարրին հայտարարել է, որ ցանկանում է հաշտվել բրիտանական թագավորական ընտանիքի անդամների հետ, սակայն դեռևս չի տեսնում հայրենիք վերադառնալու հնարավորություն։ Այս մասին նա հայտարարել է BBC-ին տված հարցազրույցում։ Հարրին 2020 թվականից բնակվում է Միացյալ Նահանգներում։
«Իմ ընտանիքի անդամներից ոմանք, իհարկե, երբեք չեն ների ինձ [ինքնակենսագրական] գիրքը գրելու համար, նրանք երբեք չեն ների ինձ շատ այլ բաների համար։ Բայց ես շատ կցանկանայի հաշտվել ընտանիքիս հետ։ Ես չեմ տեսնում հակամարտությունը շարունակելու իմաստը, քանի որ կյանքը շատ թանկարժեք պարգև է»,- ասել է արքայազն Հարրին։
Բրիտանական դատարանը մերժել էր արքայազնի վերաքննիչ բողոքը, որը հինգ տարի շարունակ փորձում է ՄԹ պետական միջոցների հաշվին լրիվ դրույքով ապահովագրություն ստանալ իր, կնոջ և երեխաների համար։ Այն բանից հետո, երբ Հարրին և նրա ամերիկացի կինը՝ Մեգան Մարքլը, 2020 թվականին հրաժարվել էին բրիտանական թագավորական ընտանիքի ավագ անդամների պաշտոններից, նրանք կորցրել էին այդ իրավունքը։ Արքայազնը նշել է, որ քիչ հավանական է, որ նա վերադառնա Միացյալ Թագավորություն, եթե ինքը և իր ընտանիքը չունենան զինված անվտանգության աշխատակիցներ։
«Այս պահին ես չեմ տեսնում կնոջս և երեխաներիս ՄԹ բերելու որևէ միջոց։ Նրանք ոչինչ չեն կարողանա տեսնել։ Ես սիրում եմ իմ երկիրը և միշտ էլ սիրել եմ, չնայած այն ամենին, ինչ այնտեղ ապրողներից ոմանք արել են մեզ»,- ասել է նա՝ խոստովանելով, որ կարոտում է տունը։
