Wildberries-ն արգելափակել Է La Roche-Posay կրեմի վաճառքը արտադրանքում բենզոլի հետքեր հայտնաբերելու մասին հաղորդագրությունների ֆոնին. ՏԱՍՍ-ին հայտնել են «Wildberries և Russ» միավորված ընկերության մամուլի ծառայությունից:
Ավելի վաղ Bloomberg-ը, հղում անելով L'Oreal ընկերությանը, հայտնել էր, որ La Roche-Posay ապրանքանիշի որոշ խմբաքանակներ հետ են կանչվել՝ բենզոլի հնարավոր պարունակության պատճառով։ Այս նյութը համարվում է պոտենցիալ քաղցկեղածին և կարող է գենետիկ վնաս հասցնել սաղմի բջիջներին։
Wildberries-ում ընդգծել են, որ պարբերաբար մոնիտորինգ են իրականացնում հարթակում ներկայացված ապրանքների անվտանգության և որակի համար։ Ստուգումից հետո համապատասխան ապրանքանիշներն արգելափակվել են։
Ընկերության խոսքով՝ շուկայի վաճառողներն էլ պարտավոր են տրամադրել արտադրանքի մասին ամբողջական տեղեկատվություն և անհրաժեշտ փաստաթղթեր՝ հաստատելու դրա համապատասխանությունը օրենսդրական պահանջներին։
