Գերմանական Bosch գործարանները փակվում են տնտեսական ճգնաժամի պատճառով. հայտնում է Bild-ը։
Շինարարության ոլորտում առկա խնդիրների և սպառողների պակասի պատճառով ընթացիկ տնտեսական ճգնաժամի ֆոնին կփակվեն Bosch-ի երկու գործարան Զեբնիցում (Սաքսոնիա երկրամաս) և Լինֆելդեն-Էխտերդինգենում (Բադեն-Վյուրտեմբերգ երկրամաս):
Հետագայում արտադրանքը կարտադրվի այլ գործարաններում, օրինակ՝ Միշկոլցում (Հունգարիա)։
Այս փոփոխությունների արդյունքում Գերմանիայում ավելի քան 500 աշխատող կկորցնի աշխատանքը:
Bosch Power Tools-ի ստորաբաժանման ղեկավար Թոմաս Դոնատոն մեկնաբանել է. «Այս որոշումը մեզ համար դժվար է։ Ծախսերի կրճատման և արդյունավետության բարձրացման գործող ծրագրերն արդեն ցանկալի արդյունք չեն տալիս»։
Ընկերությունն իրականացնում է նաև աշխատատեղերի կրճատման այլ ծրագրեր, ինչը կարող է սպառնալ հազարավոր աշխատողների։ Արհմիությունները հայտարարել են, որ ակտիվորեն դիմակայելու են գործարանների փակմանը և արդեն հայտարարել են բողոքի ակցիաների մասին:
