Ամերիկյան Amazon MGM Studios կինոստուդիան սկսում է Ջեյմս Բոնդի մասին լրտեսական ֆիլմաշարի նոր ֆիլմի վրա աշխատանքը. հայտնել Է Deadline պորտալը՝ վկայակոչելով ստուդիայի ներկայացուցիչներին։
Ֆիլմաշարի նոր պրոդյուսերներն աշխատում են Լոնդոնում բոնդիանայի շարունակության վրա։ Նախկին պրոդյուսերները ստեղծագործական վերահսկողությունը փոխանցել էին Amazon MGM Studios-ին, որին պատկանում են նաև 007 գործակալի մասին ֆիլմերի իրավունքները:
Պարբերականը նշում է՝ դեռևս պարզ չէ, թե նոր ֆիլմում ով է խաղալու Բոնդի դերը:
Ջեյմս Բոնդը գրող Յան Ֆլեմինգի ստեղծած կերպարն է։ Բոնդի արկածների մասին առաջին ֆիլմը, որը կոչվում է «Dr. No», էկրան է բարձրացել 1962 թվականին։ Այսօրվա դրությամբ բրիտանական հետախուզության սուպերգործակալի մասին նկարահանվել է 25 ֆիլմ։ Բացի Դենիել Քրեյգից, որը վերջին 15 տարիների ընթացքում խաղացել է Բոնդի դերը, որպես 007 գործակալ հանդես են եկել Շոն Քոններին, Ջորջ Լազենբին, Ռոջեր Մուրը, Թիմոթի Դալթոնը և Փիրս Բրոսնանը։
