Հայտնի դերասան Միխայիլ Բոյարսկին ТАСС-ին տված հարցազրույցում «Պետրովսկի» մարզադաշտում ֆուտբոլ դիտելու գնալը համեմատել է հին ժամանակներում բաղնիք այցելության հետ:
Նա նաև խոստացել է. «Ես, որպես կանոն, խոստումների մեջ այդքան էլ առատաձեռն չեմ։ Բայց թիմի հեղինակության համար շատ բանի պատրաստ եմ: Ծայրահեղ դեպքում, եթե «Զենիթ»-ն այս տարի գրավի առաջին տեղը, ես կուտեմ գլխարկս: Դանդաղ, կտոր-կտոր, բայց կուտեմ»։
Դ՛Արտանյանի դերասանը խոսել է նաև սուսերամարտի մասին, նշելով, որ ինքը նախընտրում է կանանց սուսերամարտ դիտել։ «Ես կարծում եմ, որ կանայք, ամեն դեպքում, արժանի են ամենայն ուշադրության, հատկապես այս մարզաձևում: Քանի որ նրանք շատ սուր են, խորամանկ, անկանխատեսելի, համարձակ: Շատ առումներով ավելի հետաքրքիր են, քան տղամարդիկ: Նրանք յուրաքանչյուր հաջողության կամ սխալի վրա արձագանքում են ավելի դրամատիկ, ինչը նրանց դիտելն ավելի հետաքրքիր է դարձնում: Տղամարդիկ ավելի զսպված են իրենց հույզերում, իսկ կանայք միշտ արտահայտում են դրանք»։
