Radar Armenia-ն ներկայացնում է 2024թ. լավագույն ֆիլմերը, որոնք մեծ հաջողություն ունեցան 2024թ. համաշխարհային կինոարտադրության մեջ։
Ամանորյա օրերը լավագույն պահն են՝ ազատվելու հոգսերից և վայելելու համաշխարհային մեծ ճանաչում ունեցող ֆիլմերը։
Այս օրերին, երբ մենք ցանկանում ենք փախչել առօրյա հոգսերից, «Աբիգեյլ (Abigail) ֆիլմը կատարյալ ընտրություն է։
Ֆիլմը սարսափի ու դրամայի տարրեր պարունակող տրիլեր է, որը պատմում է ուժեղ կամքով օժտված փոքրիկ աղջկա մասին, որը հայտնվում է աննախադեպ իրավիճակում։
Ֆիլմը սկսվում է, երբ մի խումբ հանցագործներ առևանգում են քրեական աշխարհի հեղինակավոր ներկայացուցչի դստերը՝ բալետի պարուհի Աբիգեյլին, և թաքցնում մեկուսացված մեծ առանձնատանը։
Բայց նրանք չեն հասկանում, որ իրենց հետ փակվել է մի աղջիկ, որն ավելի վտանգավոր է, քան նրանք կարող էին սպասել։
Ֆիլմի ռեժիսորներն են Մեթ Բետինելլի-Օլպինը և Թայլեր Գիլեթը, իսկ գլխավոր դերերում հանդես են գալիս Մելիսա Բարերան, Դեն Սթիվենսը և Ալիշա Վիրնը։
Դերասանները ներկայացնում են հակասական կերպարներ, որոնք իրար դեմ պայքարում են, երբ ողջ մնալը կախված է նրանց արագաշարժության ու խորքային մտածողության հետ։
