38-ամյա դերասանուհի Մեգան Ֆոքսը և նրա սիրելին՝ ռեփեր Machine Gun Kelly-ն, սպասում են իրենց առաջնեկի լույս աշխարհ գալուն:
Զույգի համար այս հղիությունն առանձնահատուկ է, քանի որ անցյալ տարի նրանք կորցրել են իրենց առաջնեկին. 10-րդ շաբաթվա ընթացքում Մեգանը վիժել էր: Այժմ Մեգանը Instagram-ում կիսվել է ուրախ լուրով՝ հրապարակելով կլորացած փորով լուսանկար և մակագրելով՝ «Բարի վերադարձ»։ Նա լուսանկարին ավելացրել է նաև հղիության դրական թեստը։
Սա կլինի Ֆոքսի չորրորդ երեխան․ նա երեք երեխա ունի դերասան Բրայան Օսթին Գրինի հետ նախորդ ամուսնությունից: Հիշեցնենք, որ Մեգանն ու Machine Gun Kelly-ն իրենց հարաբերություններն սկսել են 2020 թվականին, իսկ մեկ տարի անց հայտարարեցին նշանադրության մասին։
