ԱՄՆ Հարավային Կարոլինա նահանգում փորձարարական կապիկները զանգվածային փախուստի են դիմել։ Այս մասին գրում է NBC News-ը՝ նշելով, որ խոսքը 43 կապիկի մասին է։
Ռեզուս պրիմատները փախել են Alpha Genesis ընկերությունից, որը տրամադրում է «ոչ մարդկային պրիմատների կենսաբանական հետազոտությունների ծառայություններ»․ ասվում է ընկերության կայքում:
Alpha Genesis-ից շրջանային ոստիկանությանը հայտնել են, որ կապիկները բաղկացած են երիտասարդ էգերի խմբից և չափազանց երիտասարդ են հիվանդություն կրելու համար։
Տեղադրվել են նաև թակարդներ, ոստիկանության աշխատակիցներն օգտագործում են ջերմային տեսախցիկներ՝ փորձելով որսալ կենդանիներին:
«Alpha Genesis»-ը ներկայումս հետևում է պրիմատներին և աշխատում է նրանց սննդով գայթակղելու ուղղությամբ․ հայտնել են ոստիկանությունից:
Հաղորդվում է, որ ընկերությունը կապիկների հետ աշխատում է կլինիկական փորձարկումներ իրականացնելու համար, ներառյալ՝ ուղեղի հիվանդությունների բուժումը։ Այն Միացյալ Նահանգներում կապիկների համար հատուկ մշակված ուսումնասիրության ամենամեծ և համապարփակ կենտրոններից մեկն է:
