86 տարեկան հասակում մահացել է ամերիկացի դերասան Ռոն Էլին, որը հայտնի է 1960-ականների համանուն սերիալում Տարզանի դերով։
Կորստի մասին հայտնել է նրա դուստրը և դերասանուհի Քրիստեն Կազալե Էլին։
«Աշխարհը կորցրեց երբևէ ապրած մեծագույն մարդկանցից մեկին, և ես կորցրեցի հայրիկիս: Ինձ համար նա դերասան էր, գրող, մարզիչ, դաստիարակ և առաջնորդ: Հայրիկը դրական ազդեցության հզոր ալիք է ստեղծել, ուր էլ որ գնա: Այն ազդեցությունը, որը նա ունեցել է ուրիշների վրա, մի բան է, որը ես երբեք չեմ տեսել որևէ այլ մարդու մեջ: Նրա մեջ իսկապես կախարդական բան կար», - գրել է նա իր Instagram-ում և հրապարակել արխիվային ընտանեկան լուսանկարներ։
