Գերմանիայում ապրիլի 1-ին ուժի մեջ է մտել օրենք, որը մասամբ օրինականացնում է կանեփի օգտագործումը։ Կանեփը հանվելու է Գերմանիայի թմրամիջոցների մասին օրենքում արգելված նյութերի ցանկից և մեծահասակներին թույլատրվելու է որոշակի քանակությամբ պահել և աճեցնել իրենց համար: Չափահասներին կթույլատրվի իրենց հետ ունենալ 25 գրամ կանաբիս, մարիխուանա կամ հաշիշ՝ իր մաքուր տեսքով, կամ էլ մինչև 50 գրամ՝ տանը։
Կթույլատրվի անձնական նպատակներով աճեցնել կանեփի՝ մինչև երեք թուփ մասնավոր բանջարանոցում։ Ճիշտ է, դրա համար նախ պետք է միավորվել այլ այգեպանների հետ «Կանեփի սիրահարների ակումբում» և ստանալ տեղական իշխանությունների թույլտվությունը՝ և կանեփ աճեցնելու և թմրանյութը պահելու համար։ Ակումբները կազմակերպվելու են գործընկերության կամ կոոպերատիվի սկզբունքով, որոնք ուղղված չեն շահույթ ստանալուն: Այսինքն, նման միության անդամները փաստացի կանեփ կամ հաշիշ կգնեն իրենցից՝ ամսական առավելագույնը 50 գրամ ակումբի անդամի համար։
Այն կարելի է ծխել հասարակական վայրերում, սակայն արգելվում է դրա օգտագործումը դպրոցների, մանկապարտեզների, խաղահրապարակների, երիտասարդական և մարզական հաստատությունների մուտքից 200 մետր շառավղով: Արգելվում է մարիխուանա օգտագործել տրանսպորտային միջոց վարելիս:
