Սոչիի ուրախների և հնարամիտների ակումբի (ՈՒՀԱ)-ի փառատոնի ժամանակ սպանվել է երիտասարդ հայազգի հումորիստ Ամիրան Գևորգյանը։ Գևորգյանը մահացու վնասվածքներ է ստացել «Ժեմչուժինա» հյուրանոցի մոտ տեղի ունեցած ծեծկռտուքի ժամանակ։ 31-ամյա արտիստի և Դաղստանից 32-ամյա երիտասարդի միջև ծեծկռտուքը տեղի է ունեցել առավոտյան ժամը 5-ին։ Վիճաբանության ընթացքում Գևորգյանը գլխով հարվածել է աստիճաններին և կորցրել գիտակցությունը։
Հիվանդանոց տեղափոխվելուց հետո Ամիրան Գևորգյանի մոտ ախտորոշվել է գանգի կոտրվածք, գլխուղեղի ծանր աստիճանի սալջարդ, ձախ և աջ էպիդուրալ հեմատոմաներ, գանգուղեղային բաց վնասվածք: Նա կոմայի մեջ է ընկել և երկու օր անց, գիտակցության չգալով, մահացել։
