70 տարեկանում կյանքից հեռացել է ամերիկյան Bon Jovi լեգենդար ռոք խմբի հիմնադիրներից մեկն ու խմբի առաջին բաս-կիթառահար Ալեք Ջոն Սաչը։ Երաժշտի մահվան մասին հաղորդագրությունը հրապարակվել է խմբի թվիթերյան էջում։ Երաժիշտի մահվան պատճառը չի նշվում։
Ալեք Սաչը «Bon Jovi»-ի կազմում նվագել է 1983-1994թթ․-ին։ Նա իր ներդրումն է ունեցել այնպիսի հրթերի ստեղծման գործում, ինչպիսիք են «Livin 'On a Prayer», «You Give Love a Bad Name», «Wanted Dead or Alive», «Bad Medicine» եւ «Keep the Faith»։
Ամերիկյան Bon Jovi ռոք խումբը հիմնվել է 1983 թվականին Նյու Ջերսիում։ 2006 թվականին խումբն ընդգրկվել է Մեծ Բրիտանիայի երաժշտության փառքի սրահում, իսկ 2018 թվականին՝ ԱՄՆ-ի Ռոքնռոլի փառքի սրահում։
