Կրեմլը չի ակնկալում Ուկրաինայի շուրջ ստեղծված իրավիճակում շրջադարձ Ռուսաստանի և Ֆրանսիայի նախագահներ Վլադիմիր Պուտինի և Էմանուել Մակրոնի բանակցություններից հետո։ Այս մասին լրագրողներին ասել է ՌԴ պետության ղեկավարի մամուլի քարտուղար Դմիտրի Պեսկովը։ «Իհարկե, իրավիճակը չափազանց բարդ է մեկ հանդիպման ընթացքում վճռական փոփոխություններ սպասելու համար»,- հայտարարել է Կրեմլի խոսնակը։ «Մենք գիտենք, և Մակրոնն ինքը Պուտինին ասել է այդ մասին, որ գալիս է որոշակի գաղափարներով՝ գտնելու Եվրոպայում լարվածությունը թուլացնելու հնարավոր տարբերակները, և նա մտքում ունի այդ գաղափարները կիսել Պուտինի հետ», - ընդգծել է Պեսկովը։ «Սպասենք այսօրվա հանդիպման արդյունքներին և լսենք, թե ինչպես կգնահատեն նախագահները մամուլի ասուլիսի ժամանակ»,- հայտարարել է Կրեմլի խոսնակը։
