Դատական համակարգը պատրաստվում է լուրջ ընդվզման. «Ժողովուրդ»
Մամուլ
5 Փետրվարի 2022, 9:35
««Ժողովուրդ» օրաթերթը գրում է, որ դատական համակարգը պատրաստվում է լուրջ ընդվզման:
Ըստ թերթի՝ «ՀՀ վարչական դատարանի դատավորների ահազանգից հետո ոտքի են կանգնել Վճռաբեկ, Վերաքննիչ և առաջին ատյանի մի շարք դատավորներ և ներքին խոսակցության ժամանակ նշել են, որ այսկերպ շարունակել հնարավոր չէ, և պետք է ոչ թե քաղաքական իշխանությունների ճնշումներին մի քանի համարձակ դատավորներ բարձրաձայն պատասխանեն, այլ բոլորը պետք է ոտքի կանգնեն և համախմբված ստորագրահավաք իրականացնեն` պահանջելով դադարեցնել դատական համակարգի նկատմամբ ճնշումները: Թե որքանով դատական համակարգի այս ներքին խոսակցությունը իրականություն կդառնա, և ողջ դատական համակարգը միահամուռ կոչով հանդես կգա, հետևենք զարգացումներին:
Իսկ ինչո՞ւ է ուշանում դատավորների ընդվզումը. բանն այն է, որ դատական համակարգում կա զգալի հատված, որ իրենց չեզոք են պահում և որևէ տեսակետ չեն հայտնում գործընկերների մտահոգություններին: Հիմա նրանց արթնացնելու ժամանակն է»:
