Ժամանց

Հայաստանի լավագույն արահետներն՝ արշավների համար

Պատրա՞ստ եք փորձել Հայաստանի լավագույն արահետները՝ արշավի, լեռնային հեծանվավազքի, զբոսանքի, մենությունը վայելելու, լեռնամագլցման և այլ բացօթյա զվարճանքների համար:

Պարզ լիճ, Գոշավանք, Գոշ լիճ

17,2 կմ երկարությամբ այս երթևեկելի արահետը գտնվում է Տավուշում՝ Թեղուտի մոտ: Այն սովորաբար համարվում է չափավոր դժվարության երթուղի, որն ավարտելու համար պահանջվում է միջինը 5 ու կես ժամ: Սա հայտնի արահետ է՝ թռչուններին հետևելու, արշավների և զբոսանքի համար, բայց դուք կարող եք նաև վայելել ձեր առաձնությունը՝ օրվա ավելի հանգիստ ժամերին: Արահետը վայելելու լավագույն ժամանակը ապրիլից հոկտեմբեր ընկած ժամանակահատվածն է:

Արագածի հարավային գագաթ

Կոտայքի Տեղեր գյուղի մոտակայքում է այս 9,5 կմ երկարությամբ արահետը: Սովորաբար համարվում է չափավոր դժվար երթուղի, որն ավարտելու համար պահանջվում է միջինում 3 ու կես ժամ: Այս արահետը հիանալի է արշավների համար և, սովորաբար, սակավամարդ է:

Ակնա լիճ, Աժդահակ լեռ, Վանքի լիճ, ժայռապատկերներ, Գիլան գյուղ, Գառնու տաճար

35,6 կմ երկարությամբ արահետը սկսվում է Կոտայքի Սևաբերդ գյուղից, անցնում վերոնշյալ տարածքներով և ավարտվում Գառնու տաճարի մոտ։ Ընդհանուր առմամբ, սա համարվում է դժվար երթուղի։ Այն ավարտելու համար պահանջվում է միջինում 9 ու կես ժամ: Սա հայտնի արահետ է արշավների համար, բայց մենություն վայելել նույնպես հնարավոր է՝ օրվա ավելի հանգիստ ժամերին:

Օձուն, Հոռոմայր, Քոբայր

Ընդհանուր առմամբ չափավոր դժվարության 8,9 կմ երկարությամբ երթուղին ավարտելու համար պահանջվում է մոտ 3 ժամ: Սա հայտնի արահետ է թռչուններին ուսումնասիրելու, արշավների և զբոսանքի համար։

Գառնու հեթանոսական տաճար, Հավուց թառ վանք

13 կմ երկարությամբ շրջագծով արահետը գտնվում է Կոտայքում՝ Գառնու մոտ: Սովորաբար համարվում է չափավոր դժվարության երթուղի, ավարտելը միջինում տևում է 4 ու կես ժամ:

Բնության ուխտագնացության արահետ, Հաղարծին վանք

12,1 կմ երկարությամբ արահետը Տավուշում է՝ Դիլիջանի մոտ: Համարվում է չափավոր դժվարության երթուղի, ավարտելը տևում է միջինը 4 ժամ: Հայտնի արահետ է՝ ուսապարկերով զբոսանքի և արշավների համար: Այս արահետով քայլելու լավագույն ժամանակը մայիսից-նոյեմբեր ընկած ժամանակահատվածն է:

Թեղենիս լեռան արահետ

9,8 կմ երկարությամբ արահետը գտնվում է Արագածոտնի Եղիպատրուշ գյուղի մոտից: Սովորաբար, համարվում է չափավոր դժվարության երթուղի. այն ավարտելը տևում է միջինում 4 ժամ: Այս արահետը հիանալի է արշավների համար, այցելելու լավագույն ժամանակը ապրիլ-հոկտեմբերն է:

Սատանայի կամուրջ, Տաթևի մեծ անապատ, Տանձատափ գյուղ և Տաթևի վանք

15,9 կմ երկարությամբ արահետը Սյունիքում է՝ Տաթևի վանքի մոտ: Չափավոր դժվարության երթուղի է, ավարտելու համար պահանջվում է 5 ժամ:

Սանահինի վանք, Կայան բերդ, Հաղպատի վանք

Այս արահետն ունի 11,4 կմ երկարություն և գտնվում է Լոռում՝ Սանահինի մոտ: Չափավոր դժվարության երթուղի է, որն ավարտելու համար պահանջվում է միջինում 3 ու կես ժամ: