Vogue-ը ներկայացնում է այն ութ միտումները, որոնք պետք է իմանալ 2022 թվականի գարնանային նորաձևության համար:
Մի դավաճանեք զոլերին
Courrèges-ի և Tory Burch-ի օպտիկական սև-սպիտակ զոլերը նոր կյանք են հաղորդում չեզոք գույներին: Փորձեք զուգակցել այս գրաֆիկական կտորներն ավելի համարձակ գործվածքների և աքսեսուարների հետ, օրինակ՝ սպիտակ զուգագուլպաների և մազերի գույնզգույն աքսեսուարների՝ հմայիչ և թարմ տեսք ունենալու համար:
Կիրառեք Popcorn գործվածքը
Միկրո հյուսվածքները կարող են բոլորին չսազել, բայց այնպիսի նորահայտ դիզայներների ձեռքով, ինչպիսին է, օրինակ, Չեթ Լոն, փոփքորն տրիկոտաժը անվիճելիորեն շքեղ կդիտվի: Պաստելի գույներով և նուրբ նախշերով այս ծավալուն կտորները լավագույններից են մինիմալիստական ոճում։
Համարձակ ոճը համարձակություն է պահանջում
2022-ի գարնան համար չափից շատ համարձակ պրինտ չկա: Loewe-ի լղոզված թայդայ պրինտը և Proenza Schouler-ի աբստրակտ զեբրա նախշերը ընդամենը երկուսն են ձեր զգեստապահարանին նոր էներգիա և շունչ հաղորդելու միջոցներից: Եթե անվստահ եք, ձեր լուքին ավելացրեք վառ գույն կամ համարձակ պրինտ, և դա կդառնա սեզոնի փարթիների խոսակցության առիթը։
Կարճ, իսկապես կարճ նորաձևություն
Մինի կիսաշրջազգեստները արդիական կմնան տևական ժամանակ։ Տեղյակ եք խակի Miu Miu mini-ի մասին, որը սեզոնի հիթն էր, բայց տեսե՞լ եք արդյոք Սեն Լորանի թվիդ կիսաշրջազգեստն՝ արհեստական մորթուց եզրերով: Խանութներում տարբերակների պակաս չկա, պարզապես վստահեք, որ կգտնեք ձեզ հարմար մինի կիսաշրջազգեստը:
Տրվեք ծաղկային պրինտի հմայքին
Ինչո՞ւ կրել ծաղկային պրինտներ, երբ կարող եք կրել եռաչափ ծաղիկներ, որոնք «կաթում» են օձիքներից, զգեստների եզրերից և հագուստի գործվածքից: Rodarte-ն դա լավագույնս անում է ուռուցիկ ծաղկային հավելումներով, որոնք նորաձևության մեջ արտացոլում են բնության վայրի գեղեցկությունը:
Ամենօրյա ոճ՝ Color-Block բաճկոններով
Մուգ կոստյումներն ու կաշվե, ջինսե բաճկոնները երբեք դուրս չեն գա մոդայից, ուստի այս գարնանը նոր ոճեր փորձեք՝ գունավոր կամ կարճ բաճկոնների համադրությամբ:
Վանդակավոր տրիկոտաժի հմայքը
Վանդակավոր տրիկոտաժը բավականաչափ տաք է գարնանային քամիների համար, բայց նաև թույլ է տալիս զգալ արևի շողերը: Ռիկ Օուենսը, Ռաֆ Սայմոնսը և շատ ուրիշներ դիտավորյալ անքեր են բացում իրենց սվիտերների վրա՝ դրանք ավելի գայթակղիչ դարձնելու համար: Այս ոճը կարող է հիանալի զուգակցվել մաքսի կիսաշրջազգեստի և նուրբ սանդալների հետ։
