«Ֆանտաստիկ գազաններ. Դամբլդորի գաղտնիքները»՝ Հարի Փոթերի հեքիաթային շարքի ֆիլմաշարի երրորդ մասը, պաշտոնապես ցուցադրվել է մարտի 29-ին՝ Լոնդոնում։ Առաջին մասից («Ֆանտաստիկ գազանները, և որտեղ գտնել նրանց») հետո երկրորդ ֆիլմը («Ֆանտաստիկ գազաններ. Գրինդելվալդի հանցագործությունները») նկատելիորեն վատ ընդունելության արժանացավ: Դրա և, նաև, Ջոնի Դեպի հետ կապված սկանդալի պատճառով այս նոր՝ երրորդ մասը ենթարկվել է արտադրության մի քանի ուշացումների և խոշոր վերամշակման: Չորս տարի սպասելուց հետո ֆիլմը վերջապես էկրան է բարձրացել։
«Ֆանտաստիկ գազաններ. Դամբլդորի գաղտնիքները» ֆիլմի առաջին արձագանքները զարմանալիորեն դրական էին, ընդ որում, շատ ակնարկներ պնդում էին, որ այն մինչ այժմ սերիալի լավագույն ֆիլմն է: Նրանք Մադս Միկելսենի Գրինդելվալդին «հսկայական բարելավում» են համարել՝ առանձնացնելով նաև Ուիլյամսի Լալի Հիքսին: Այլ դրական ակնարկներ մատնանշում են ֆիլմի կատակերգականությունը՝ նշելով, որ դրա քանակությունը կզարմացնի հանդիսատեսին:
Ընդհանուր առմամբ հայտնի է, որ ֆիլմաշարը շարունակվելու է մի քանի մասով, և յուրաքանչյուր հաջորդ մաս ավելի երկար է լինելու: Այն ցուցադրվել է այնպիսի ֆրանշիզների նման, ինչպիսիք են «Աստղային պատերազմներ», «Մատանիների տիրակալը» և «Մութ ասպետ» եռերգությունները: Երկրպագուները հակված են կարծել, որ ֆիլմի սցենարը կհարստանա, պատմությունը կդառնա ավելի խորը և բարդ։
