Փարիզի մասնավոր առանձնատներից մեկում հայտնաբերվել է ֆլամանդացի նշանավոր նկարիչ Պիտեր Պաուլ Ռուբենսի ստեղծագործությունը, որը կորած էր համարվում դեռևս 1613 թվականից։
Գլուխգործոցի իսկությունը հաստատվել է Ռուբենսի ստեղծագործական ժառանգությունը ուսումնասիրող կազմակերպության կողմից։ Արժեքավոր ստեղծագործությունը աճուրդի կհանվի նոյեմբերի 30-ին։
«Խաչված Քրիստոսը» նկարվել է 1613 թվականին։ Այն երկար տարիներ համարվում էր կորած։
Կտավը ստեղծվել է Ռուբենսի ստեղծագործական պիկի շրջանում, իսկ դրա իսկությունը հաստատել է XV-XVI դարերի գերմանական, ֆլամանդական և հոլանդական արվեստի մասնագետ պրոֆեսորը։
Այն բարոկկո ժանրի մեկնակետն է։ Նկարում խաչված Քրիստոսի լուսավոր կերպարը ներկայացված է մռայլ և սպառնալից երկնքի ֆոնին։
Աճուրդավարի խոսքով՝ կտավը պահպանվել է շատ լավ վիճակում։
